കരുവണ്ണൂരിൽ സ്വിഫ്റ്റ് കാർ നിയന്ത്രണം വിട്ട് മറിഞ്ഞു ,നാല് പേർക്ക് പരിക്ക്

നടുവണ്ണൂർ: അതിവേഗതയിൽ വന്ന സ്വിഫ്റ്റ് കാർ നിയന്ത്രണം വിട്ട് പറമ്പിലേക്ക് ഇടിച്ച് കയറി നാല് പേർക്ക് പരിക്ക്. കാറിലുണ്ടായിരുന്നത് കുട്ടികളാണെന്നും വെള്ളിയൂർ സ്വദേശികളാണെന്നും പറയപ്പെടുന്നു. വെള്ളിയൂർ സ്വദേശികളായ അഭിനന്ദ്, നന്ദകിശോർ എന്നിവരെ തിരിച്ചറിഞ്ഞിട്ടുണ്ട്.  കെ.എൽ 56 എം 6498 സ്വിഫ്റ്റ് കാറാണ് അപകടത്തിൽ പെട്ടത്. ഇന്ന് വൈകീട്ട് 4.30 ഓടെയാണ് അപകടം നടന്നത്.

     
     കുറ്റ്യാടി കോഴിക്കോട് റൂട്ടിൽ കരുവണ്ണൂർ ഇറക്കം കഴിഞ്ഞ് വന്ന കാർ റോഡരികിലെ തേക്ക് മരം ഇടിച്ച് തകർത്ത് തെങ്ങിൽ ഇടിച്ച് നില്ക്കുകയായിരുന്നു. ഇടിയുടെ ആഘാതത്തിൽ തെങ്ങിൽ നിന്നും നാളികേരം താഴെ വീണു. ഓടിക്കൂടിയ പരിസരവാസികൾ രക്ഷാപ്രവർത്തനം നടത്തി. ഡോർ പൊളിച്ചെടുത്താണ് പരിക്കേറ്റവരെ പുറത്തെടുത്തത്. 3 പേർ ഈ സമയത്ത് തന്നെ അബോധാ വസ്ഥയിലായിരുന്നു. പേരാമ്പ്രയിൽ നിന്നെത്തിയ ആംബുലൻസിൽ എല്ലാവരെയും മൊടക്കല്ലൂർ മെഡിക്കൽ കോളജ് ആശു പത്രിയിലേക്ക് കൊണ്ടുപോയി.