കായണ്ണയിൽ ബസിനടിയിൽപ്പെട്ടു ബൈക്ക് യാത്രികൻ മരിച്ചു
കായണ്ണ കരികണ്ടൻപാറയിലാണ് സംഭവം നടന്നത്
കായണ്ണ : കായണ്ണ കരികണ്ടൻ പാറയിൽ ബസിനടിയിൽപ്പെട്ടു ബൈക്ക് യാത്രികൻ മരിച്ചു. ഇന്നുച്ചയ്ക് രണ്ടരയോടെയാണ് സംഭവം. കരികണ്ടൻ പാറ സ്വദേശി
പുളിഞ്ഞോലക്കുന്നുമ്മൽ സുരേഷ് (55)ആണ് മരിച്ചത്. പേരാമ്പ്രയിൽ നിന്നും കായണ്ണ വഴി കൂരാച്ചുണ്ടിലേക്ക് പോകുന്ന പി കെ ബസിനടിയിൽ കായണ്ണക്ക് ബൈക്കിൽ വരികയായിരുന്ന സുരേഷ് തെന്നി വീണു അകപ്പെടുകയായിരുന്നു എന്ന് ദൃക്സാക്ഷികൾ പറഞ്ഞു.
ബസ്സിന്റെ പിൻ ചക്രം ദേഹത്തുകൂടെ കയറി ഇറങ്ങിയ സുരേഷ് സംഭവ സ്ഥലത്ത് തന്നെ മരിച്ചു.കോൺട്രാക്ട് ജോലികൾ ഏറ്റെടുത്ത് നടത്തുന്നയാളാണ് സുരേഷ്. പിതാവ് ചെക്കോട്ടി.മാതാവ് നാരായണി. ഭാര്യ യശോദ(ശോഭ). മക്കൾ സുഭാഷ്, സുധീഷ്.മരുമകൾ സജിത.

