പേരാമ്പ്രയിൽ ബസ് തട്ടി യുവാവിന് ഗുരുതരമായി പരിക്കേറ്റു
പേരാമ്പ്ര ബസ് സ്റ്റാന്റിൽ നിന്നും റോഡ് മുറിച്ച് കടക്കുന്നതിനിടയിലാണ് സംഭവം
പേരാമ്പ്ര: പേരാമ്പ്രയില് ബസ് തട്ടി യുവാവിന് ഗുരുതര പരിക്ക്. കൊയിലാണ്ടി സ്വദേശിയായ എംഎം സ്ട്രീറ്റ് ശ്രീരഞ്ജിനിയില് നിതിന് രാഘവന് (37) ആണ് പരിക്കേറ്റത്. ഇന്ന് രാവിലെ 10 മണിയോടെയാണ് സംഭവം. ചോമ്പാലയിലെ സെൻട്രൽ ബാങ്ക് മാനേജറായ നിതിൻ ഔദ്യോതികാവശ്യത്തിന് വേണ്ടി പേരാമ്പ്രയിൽ വന്നതാണ്.
ബസ് സ്റ്റാന്റിൽ നിന്നും റോഡ് മുറിച്ച് കടക്കുന്നതിനിടയിൽ പേരാമ്പ്ര കായണ്ണ റോഡിലോടുന്ന സ്വസ്തിക്ക് ബസ് തട്ടുകയായിരുന്നു. തലക്ക് ഗുരുതര പരിക്കേറ്റ നിതിനെ ഉടൻ ഇഎംഎസ് സഹകരണ ആശുപത്രിയിൽ എത്തിച്ച് പ്രാഥമിക ചികിത്സ നൽകി. തുടർന്ന് കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചു.

