കൊയിലാണ്ടി സബ് ജില്ലയിൽ വിദ്യാഭ്യാസ സ്ഥാപനങ്ങൾക്ക് നാളെ അവധി

കൊയിലാണ്ടി: കോഴിക്കോട്റവന്യൂ ജില്ലാ കലോത്സവം നടക്കുന്ന സാഹചര്യത്തിൽ ആതിഥേയ ഉപജില്ലയായ കൊയിലാണ്ടി ഉപജില്ലയിലെ സ്‌കൂളുകൾക്ക് നാളെ (വ്യാഴം) അവധി പ്രഖ്യാപിച്ചു. ഡി.ഡി.ഇയാണ് അവധി പ്രഖ്യാപിച്ചത്. നവംബർ 28 വരെ അഞ്ച് ദിവസങ്ങളിലായാണ് റവന്യൂ ജില്ലാ കലോത്സവം നടക്കുന്നത്. നവംബർ 24ന് രചനാ മത്സരങ്ങൾ പൂർത്തിയായിരുന്നു.     

     25നാണ് സ്റ്റേജ് മത്സരങ്ങൾ തുടങ്ങിയത്. ഒപ്പന, സ്ക‌ിറ്റ്, സംഘനൃത്തം, കഥകളി, നാടോടിനൃത്തം, കോൽക്കളി, കുച്ചുപ്പുടി, നാടകം, ചെണ്ട, ഇരുളനൃത്തം, സംഘഗാനം തുടങ്ങിയ മത്സരങ്ങളാണ് നാളെ നടക്കുന്നത്.