ബാലുശേരിയിൽ സ്കൂൾ വിദ്യാർത്ഥിയെ തെരുവ് നായ കടിച്ചു

ബാലുശേരി: ബാലുശ്ശേരിയിൽ സ്കൂൾ വിദ്യാർത്ഥിയെ തെരുവുനായ കടിച്ചു പരിക്കേൽപിച്ചു. ബാലുശേരി ഗവ.ഹൈസ്കൂളിലെ എട്ടാം ക്ലാസ് വിദ്യാർത്ഥിക്കാണ് തെരുവു നായ്ക്കളുടെ കൂട്ടം ചേർന്ന ആ അക്രമത്തിൽ സാരമായി പരിക്കേറ്റത്. ബാലുശ്ശേരി പോസ്റ്റ് ഓഫീസ് റോഡിൽ വച്ചാണ് വിദ്യാർത്ഥിക്ക് കടിയേറ്റത്.  വിദ്യാർത്ഥിയെ ബാലുശ്ശേരി ഗവ. ആ ശുപത്രിയിൽപ്രവേശിപ്പിച്ചിരിക്കു കയാണ്.
      ബാലുശ്ശേരി ടൗണിലും  പരിസര പ്രദേശങ്ങളിലും തെരുവ് നായ ശല്യം രൂക്ഷമായിരിക്കുകയാണ്. പകൽ സമയത്ത് ജനവാസ കേന്ദ്രങ്ങളിലും ടൗണിലും വിദ്യാഭ്യാസ സ്ഥാപനങ്ങൾ ക്കടുത്തും കൂട്ടമായി ഇറങ്ങുന്ന തെരുവുനായ്ക്കൾ ജന ജീവിതത്തിന് ശക്തമായ ഭീഷണിയായി മാറിയിരിക്കുന്നു. 
     ജീപ്പ് സ്റ്റാന്റിനടുത്താണ് നായ്ക്കൾ താവളമാക്കിയിരിക്കുന്നത്. ടൗൺ പരിസരത്താണ് നായ്ക്കളുടെ ശല്യം ഏറ്റവും രൂക്ഷമായിട്ടുള്ളത്. ഇരു ചക്ര വാഹനങ്ങൾക്ക് പിന്നാലെ കൂട്ടം ചേർന്ന് ഓടുന്ന നായ്ക്കൾ അപകട ഭീഷണി കൂടി ഉയർത്തുന്നുണ്ട്. നായ ശല്യം രൂക്ഷമായതോടെ വിദ്യാഭ്യാസ സ്ഥാപനങ്ങളിലേക്ക് കുട്ടികളെ അയക്കാൻ മടിക്കുകയാണ് രക്ഷിതാക്കൾ. പ്രശ്നത്തിന് ശല്യത്തിന് ശാശ്വത പരിഹാരം കണ്ടെത്താൻ അധികൃതർ തയ്യാറാവണമെന്ന് നാട്ടുകാർ ആവശ്യപ്പെട്ടു.