മുസ്ലിം ലീഗ് കോഴിക്കോട് ജില്ലാ വൈസ് പ്രസിഡന്റ് പി. ശാദുലി അന്തരിച്ചു

നാദാപുരം : മുസ്ലിം ലീഗ് കോഴിക്കോട് ജില്ലാ വൈസ് പ്രസിഡന്റ് പി. ഷാദുലി (72) അന്തരിച്ചു. വാര്‍ധക്യ സഹജമായ അസുഖത്തെ തുടര്‍ന്ന് വീട്ടില്‍ വിശ്രമത്തിലിരിക്കെ ഇന്നലെ രാത്രി പത്തുമണിയോടെയായിരുന്നു അന്ത്യം. നാദാപുരം പഞ്ചായത്ത് പ്രസിഡന്റായിരുന്ന ഇദ്ദേഹം 1991ല്‍ നാദാപുരത്തെ യു.ഡി.എഫ് സ്ഥാനാര്‍ഥിയായിരുന്നു. 

      പ്രമുഖ കര്‍മശാസ്ത്ര പണ്ഡിതനായ എ.പി കലന്തന്‍ മുസ്ലിയാര്‍ എന്ന കാദര്‍ മുസ്ലിയാരുടെ മകനാണ്. ശാദുലിയും ഗ്രന്ഥകാരനാണ്. സഫിയ ശാദുലിയാണ് ഭാര്യ. മക്കള്‍: മുനീര്‍, അബ്ദുല്‍കരീം, അഷ്‌റഫ്, സാബിറ, സാജിത, സൗദ, തസീറ.

       ഖബറടക്കം ഇന്ന് രാവിലെ 11 മണിക്ക് നാദാപുരം ജുമഅത്ത് പള്ളിയിൽ ഖബർസ്ഥാനിൽ. മയ്യിത്ത് നിസ്കാരത്തിന് പാണക്കാട് സയ്യിദ് സാദിഖലി ശിഹാബ് തങ്ങൾ നേതൃത്വം നൽകും. പി. ശാദുലി സാഹിബിന്റെ നിര്യാണത്തിൽ അനുശോചിച്ച് ഇന്ന് (വ്യാഴം) ഉച്ചക്ക് 12 മണി വരെ നാദാപുരത്തും കല്ലാച്ചിയിലും കടകൾ അടച്ചു ഹർത്താൽ ആചരിക്കും.