പോപ്പുലർ ഫ്രണ്ടിന്റെ കോഴിക്കോട് ജില്ലയിലെ ഓഫീസുകൾ അടച്ചു പൂട്ടി

കോഴിക്കോട്‌: പോപ്പുലർ ഫ്രണ്ടിന് കേന്ദ്ര ഗവൺമെൻറ് നിരോധനം പ്രഖ്യാപിച്ച സാഹചര്യത്തിൽ സംഘടനയുടെ കോഴിക്കോട്ടുള്ള സംസ്ഥാന കമ്മിറ്റി ഓഫീസിൽ വിവിധ പോഷക സംഘടനകളുടെ ഓഫീസുകളും അടക്കം ജില്ലയിൽ 10 ഓഫീസുകൾ അടച്ചുപൂട്ടി. 

       സംസ്ഥാന കമ്മിറ്റി ഓഫീസായ  യൂണിറ്റി ഹൗസ്‌ അടക്കം അഞ്ചോളം ഓഫീസുകൾക്കാണ്‌ വെള്ളിയാഴ്‌ച സീൽ പതിച്ചത്‌. വെള്ളിയാഴ്‌ച പകൽ സുരക്ഷക്കായി പൊലീസും ഒപ്പമുണ്ടായി. പോപ്പുലർ ഫ്രണ്ടിന്റെ വിദ്യാർഥി പ്രസ്ഥാനമായ ക്യാമ്പസ്‌ ഫ്രണ്ടിന്റെ ചക്കുംകടവിലെ സംസ്ഥാന കമ്മിറ്റി ഓഫീസും പൊലീസ്‌ പൂട്ടി മുദ്രവച്ചു. എ ജി റോഡിലെ സൗത്ത്‌ ജില്ലാ കമ്മിറ്റി ഓഫീസ്‌, ഇസ്ലാമിക്‌ യൂത്ത്‌ സെന്ററിലെ രണ്ട്‌ ഓഫീസുകൾ എന്നിവയ്‌ക്കും പൂട്ടിട്ടു. ഫറോക്ക്‌ എസിപി എ എം സിദ്ദിഖിന്റെ നേതൃത്വത്തിലുള്ള പൊലീസ്‌ സംഘമാണ്‌ ഇവയ്‌ക്ക്‌ പൂട്ടിട്ടത്‌.

       പോപ്പുലർ ഫ്രണ്ട് നിയന്ത്രണത്തിലുള്ള കുറ്റ്യാടി സഹൃദയഹാളിലും ഓഫീസിലും പൊലീസ്‌ പരിശോധന നടത്തി മുദ്രവെച്ചു. പോപ്പുലർ ഫ്രണ്ട് ജില്ലാ–-സംസ്ഥാന നേതാക്കളാണ് സഹൃദയ ചാരിറ്റബിൾ ട്രസ്റ്റിന് നേതൃത്വം നൽകുന്നത്.  കുറ്റ്യാടി തൊട്ടിൽ പാലം റോഡിൽ നിന്നും തെരുവത്ത് റോഡിൽ കണിയാന്റെ പറമ്പത്താണ് ഓഫീസ്‌ പ്രവർത്തിക്കുന്നത്. വടകരയിലെ തണ്ണിർപന്തൽ, താഴത്തങ്ങാടി, നാദാപുരം എന്നിവിടങ്ങളിലെ ഓഫീസുകൾക്കും റവന്യു ഉദ്യോഗസ്ഥർ മുദ്രവച്ചു. 

       ഇതിനിടയിൽ  പോലീസ് ഓഫീസുകൾ സീൽ വയ്ക്കുന്നത് റിപ്പോർട്ട് ചെയ്യാൻ എത്തിയ ചിത്രീകരിക്കാനെത്തിയ മാധ്യമപ്രവർത്തകർ ലിഫ്‌റ്റിൽ കുടുങ്ങിഅഅത് പരിഭ്രാന്തി പടർത്തയത് പരിഭ്രാന്തി പടർത്തി . ഒമ്പതോളം മാധ്യമപ്രവർത്തകരാണ്‌ ലിഫ്ററിൽ കുടുങ്ങിയത്‌. ഉടൻതന്നെ മാധ്യമപ്രവർത്തകർ  മീഞ്ചന്ത അഗ്നിശമനസേനയെ അറിയിക്കുക യായിരുന്നു. സ്റ്റേഷൻ ഓഫീസർ റോബി വർഗീസ്, അസിസ്റ്റന്റ് സ്റ്റേഷൻ ഓഫീസർ സുനിൽകുമാർ എന്നിവരുടെ നേതൃത്വത്തിലെത്തിയ സേനാംഗങ്ങൾ മാധ്യമ പ്രവർത്തകരെ പുറത്തെത്തിച്ച് രക്ഷപ്പെടുത്തി.