പയ്യോളിയിൽ ഇന്നലെ കാറിടിച്ച് വിദ്യാർഥിനിക്ക് പരിക്ക്
സ്കൂൾ വിട്ട് വരികയായിരുന്ന വിദ്യാർഥിനിയാണ് അപകടത്തിൽപ്പെട്ടത്
പയ്യോളി: കോഴിക്കോട് -കണ്ണൂർ ദേശീയപാതയിൽ പയ്യോളി അയനിക്കാട് ജുമാഅത്ത് പള്ളിക്ക് സമീപം കാറിടിച്ച് സ്കൂൾ വിദ്യാർത്ഥിനിക്ക് പരിക്കേറ്റു. സ്കൂൾ വിട്ട് വീട്ടിലേക്ക് പോവുകയായിരുന്ന പെൺകുട്ടിയാണ് അപകടത്തിൽ പെട്ടത്.
അയനിക്കാട് സ്വദേശി തൈക്കണ്ടി ദാന ഫാത്തിമയെയാണ് കാറിടിച്ച് പരിക്കേൽപിച്ചത്. ഇന്നലെ വൈകിട്ട് 4.30 ഓടെയായിരുന്നു സംഭവം. സ്കൂൾ വിട്ട് വീട്ടിലേക്ക് വരികയായിരുന്നു വിദ്യാർഥിയെ അതിവേഗത്തിൽ വന്ന പി.വൈ. 3 ബി 61 60 നമ്പർ കാറാണ് ഇടിച്ചു വീഴ്ത്തിയത്. ഇടിയുടെ ആഘാതത്തിൽ വിദ്യാർഥി കാർ മുകളിലേക്ക് വീണു പോയി.
ഓടിക്കൂടിയ നാട്ടുകാർ ഉടൻ തന്നെ വിദ്യാർഥിയെ ആശുപത്രിയിൽ എത്തിച്ചു. സംഭവത്തിനുശേഷം അൽപനേരം ഗതാഗതം തടസ്സപ്പെട്ടു. വിവരമറിഞ്ഞെത്തിയ പൊലീസ് സംഘം പ്രാഥമിക നടപടികൾ സ്വീകരിച്ചു.

