ഉള്ളിയേരിയിൽ റോഡരുകിലെ കുഴിയിൽ വീണ് യുവതിക്ക് പരിക്ക്

ഉള്ളിയേരി: സംസ്ഥാന പാതയിൽ ഈസ്റ്റ് മുക്ക് ജങ്ഷന് സമീപം യുവതിക്ക് കുഴിയിൽ വീണ് പരിക്കേറ്റു. റോഡരികിൽ ബസ് കാത്ത് നിന്ന യുവതിക്കാണ് അപകടം സംഭവിച്ചത്. കൊയിലാണ്ടി താമരശ്ശേരി റോഡ് നവീകരണത്തിന്റെ ഭാഗമായി വൈദ്യുതി തൂൺ മാറ്റാൻ വേണ്ടി കുഴിച്ച കുഴിയിലാണ് യുവതി വീണത്. റോഡ് മുറിച്ച് കടക്കാൻ ശ്രമിക്കുന്നതിനിടയിൽ വാഹനം വന്നപ്പോൾ പിറകിലേക്ക് മാറി നിൽക്കവേയാണ് അപകടം പറ്റിയത്. സംഭവം തൊട്ടടുത്ത കടയിലെ സി.സി.ടി.വി.യിൽ ദൃശ്യമായിട്ടുണ്ട്.

       വാഹനം ചീറിപ്പാഞ്ഞ് വരുമ്പോൾ യുവതി പതിയെ പിറകിലോട്ട് നടക്കുന്നതും പെട്ടെന്ന് കുഴിയിലേക്ക് മലർന്ന് വീഴുന്നതും ദൃശ്യങ്ങളിൽ വ്യക്തമാണ്. ഓടിക്കൂടിയ നാട്ടുകാരാണ് ഇവരെ രക്ഷപ്പെടുത്തിയത്. തിരക്കേറിയ ഈ ഭാഗത്ത് മൂന്ന് മാസമായി കുഴി നികത്താതെ കിടക്കുകയായിരുന്നു. നടുവണ്ണൂർ വൈദ്യുതി സെക്ഷന് കീഴിൽ പലസ്ഥലങ്ങളിലും പോസ്റ്റ് മാറ്റുന്നതിനായി ഇത് പോലുളള കുഴികൾ അപകടാവസ്ഥയിൽ കുഴിച്ച് വച്ചിരിക്കുന്നതായി നാട്ടുകാർ പറഞ്ഞു.

       പൊതുപ്ര വർത്തകൻ ഷമീർ നളന്ദ കലക്ട ർക്കും, നടുവണ്ണൂർ കെ.എസ്.ഇ. ബി. അസി. എക്സി. എൻജിനീയർക്കും പരാതി കൊടുക്കുകയും അപകടത്തിന്റെ സി.സി.ടി.വി ദൃശ്യ ങ്ങൾ സമൂഹ മാധ്യമങ്ങളിൽ വ്യാ പകമായി പ്രചരിക്കുകയും ചെയ്ത തോടെയാണ് സംഭവം ജന ശ്രദ്ധയിലെത്തുന്നത്. വിവരമറിഞ്ഞ് ശനിയാഴ്ച വൈകീട്ടോടെ കെ. എസ്.ഇ. ബി ജീവനക്കാരെത്തി ദ്രുതഗതിയിൽ കുഴി നികത്തി തടിയൂരുകയായിരുന്നു.