അഴിയൂരിൽ വാക്ക് തർക്കത്തെ തുടർന്ന് കത്തിക്കുത്ത് മൂന്നുപേർക്ക് പരിക്ക്

അഴിയൂർ: അഴിയൂരിൽ വാക്‌തർക്കത്തിന് ഇടയിൽ ഉണ്ടായ കത്തിക്കുത്തിൽ മൂന്നു പേർക്ക്‌ പരിക്കേറ്റു. അഴിയൂർ കക്കടവ് ഭാഗത്തെ നിർദിഷ്ട ദേശീയപാത നിർമാണ സ്ഥലത്ത് പ്രവേശിച്ചതിനെച്ചൊല്ലി സെക്യൂരിറ്റിക്കാരുമായുള്ള വാക്‌തർക്കമാണ്‌ കത്തിക്കുത്തിൽ കലാശിച്ചത്‌. ഗുരുതരമായി പരിക്കേറ്റ കോറോത്ത് റോഡ് രമ്യ നിവാസ് രമീഷി(32)നെ തലശേരി കോ ഓപ്പറേറ്റീവ് ആശുപത്രിയിലും ഒളവിലം പാത്തിക്കാൻ വരക്കൂൽ ശ്യാംജിത്തിനെ കോഴിക്കോട് ഗവ. മെഡിക്കൽ കോളേജ്‌ ആശുപത്രിയിലും പ്രവേശിപ്പിച്ചു. സെക്യൂരിറ്റി ജീവനക്കാരൻ സമീനീഷ് തലശേരി ഇന്ദിരാഗാന്ധി ആശുപത്രിയിലും ചികിത്സതേടി. ഞായറാഴ്ച രാത്രിയോടെയാണ് സംഭവം. 

       റോഡ് നിർമാണം നടക്കുന്ന സ്ഥലത്ത് ചില വാഹനങ്ങൾ പ്രവേശിച്ചതിനെച്ചൊല്ലിയും കുട്ടികൾ കളിച്ചതിനെതിരെയും സെക്യൂരിറ്റിക്കാരും നാട്ടുകാരുമായി വാക്‌തർക്കമുണ്ടായിരുന്നു. പിന്നീട് സെക്യൂരിറ്റി ജീവനക്കാരൻ സമീനീഷും സഹോദരനും അടങ്ങിയ സംഘം നാട്ടുകാരെ കത്തി കൊണ്ട്‌ കുത്തുകയായിരുന്നുവെന്ന് പറയുന്നു.