ചുരത്തിൽ ലോറി തകരാറിലായി ഗതാഗത തടസ്സം നേരിടുന്നു

താമരശ്ശേരി: ഇടവേളയ്ക്ക് ശേഷം താമരശ്ശേരി ചുരത്തിൽ വീണ്ടും ഗതാഗത തടസ്സം. ചുരം ആറാം വളവിൽ ഇന്നലെ രാത്രി ആക്സിൽ പൊട്ടി കുടുങ്ങിയ ലോറിയാണ് ഗതാഗത തടസ്സത്തിന് കാരണം. നേരം പുലർന്ന കൂടുതൽ വാഹനങ്ങൾ വന്നു തുടങ്ങിയതോടെ തടസ്സം രൂക്ഷം ആയിട്ടുണ്ട്.    

    വാഹനങ്ങൾ വൺവേ ആയിട്ടാണ് ഇപ്പോൾ കടന്നു പോകുന്നത്. തകരപ്പാടിക്ക് മുകളിൽ മുതൽ 2 ആം വളവിന് താഴെ വരെയാണ് രൂക്ഷമായ ഗതാഗതക്കുരുക്ക് അനുഭവപ്പെടുന്നുണ്ട്.