ബേബി മെമ്മോറിയൽ ആശുപത്രി ജീവനക്കാരി കൊയിലാണ്ടിയിൽ ട്രയിൻ തട്ടി മരിച്ചു

കൊയിലാണ്ടി: കൊയിലാണ്ടിയിൽ ട്രയിൻ തട്ടി മരിച്ച യുവതിയെ തിരിച്ചറിഞ്ഞു. കോഴിക്കോട് കോടഞ്ചേരി സ്വദേശിനി വീണ കുര്യൻ ആണ് മരണപ്പെട്ടത്. നാല്‌പത്തി ഒൻപതു വയസായിരുന്നു. വടകര ബേബി മെമ്മോറിയൽ ആശുപത്രിയിലെ ക്ലിനിക്കൽ ഇൻസ്ട്രക്ടറായിരുന്നു. 

     ഇന്ന് രാവിലെയാണ് കൊയിലാണ്ടി റെയിൽവേ സ്റ്റേഷന് സമീപം ഇവരെ മരിച്ച നിലയിൽ കണ്ടെത്തിയത്. രാവിലെ ആശുപത്രിയിലേക്ക് പോകുന്നതിനിടെ ട്രെയിനിൽ നിന്നും വീണതാകാമെന്നാണ് പ്രാഥമിക വിവരം. മൃതദേഹം കൊയിലാണ്ടി താലൂക്ക് ആശുപത്രി മോർച്ചറിയിലേക്ക് മാറ്റി.