കർണാടകയിൽ മലയാളികളായ ബിഎസ്സി നഴ്സിങ്ങ് വിദ്യാർത്ഥികൾ ട്രെയിൻ തട്ടി മരിച്ചു

ബംഗളൂരു: കർണാടകയിൽ മലയാളി വിദ്യാർത്ഥികൾ ട്രെയിൻ തട്ടി മരിച്ചു. ബിഎസ്‌സി നഴ്‌സിംഗ് വിദ്യാർത്ഥികളായ ജസ്റ്റിൻ (21), സ്റ്റെറിൻ (21) എന്നിവരാണ് മരിച്ചത്. കർണാടകയിലെ ചിക്ക ബനാവറയിലാണ് സംഭവം.

     റെയിൽവേ ട്രാക്ക് മുറിച്ച് കടക്കുമ്പോഴായിരുന്നു അപകടം. ചിക്കബനാവറ സപ്‌തഗിരി നഴ്സ‌ിംഗ് കോളേജിലെ ബിഎസ് സി നഴ്സ‌ിംഗ് രണ്ടാം സെമസ്റ്റർ വിദ്യാർത്ഥികളായിരുന്നു ഇരുവരും. പത്തനംതിട്ട തിരുവല്ല സ്വദേശിയാണ് മരിച്ച ജസ്റ്റിൻ. സ്റ്റെറിൻ റാന്നി സ്വദേശിയാണ്.