കുറ്റ്യാടി കായക്കൊടിയിൽ തേനീച്ചയുടെ കുത്തേറ്റ് നാല് പേർക്ക് പരിക്കേറ്റു

കുറ്റ്യാടി: കുറ്റ്യാടി കായക്കൊടിയിൽ തേനീച്ചയുടെ കുത്തേറ്റ് നാല് പേർക്ക് പരിക്കേറ്റു. കായക്കൊടി ഹെൽത്ത് സെൻ്ററിന് സമീപം ഇന്നലെ വൈകീട്ടാണ് സംഭവം. കിടങ്ങയുള്ള തറ സുരേന്ദ്രൻ, കായക്കൊടി ഹെൽത്ത് സെൻ്ററിലെ രണ്ട് നഴ്‌സുമാർ, എള്ളിക്കാംപാറ സ്വദേശിയായ യുവാവ് എന്നിവർക്കാണ് തേനീച്ചകളുടെ ആക്രമണത്തിൽ പരിക്കേറ്റത്. 

     നാല് പേരെയും കുറ്റ്യാടി താലൂക്ക് ആശുപത്രിയിൽ പ്രവേശിപ്പിച്ചെങ്കിലും സുരേന്ദ്രന് സാരമായി പരിക്കേറ്റതിനാൽ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.