പാല്‍ വിലയും കൂടും; വർധിക്കുന്നത് ലിറ്ററിന് 6 രൂപ
പുതുക്കിയ വില ഡിസംബര്‍ ഒന്ന് മുതല്‍ പ്രാബല്യത്തില്‍
NDR News
23 Nov 2022 07:32 PMകോഴിക്കോട്: സംസ്ഥാനത്ത് പാല്‍ വില ലിറ്ററിന് ആറ് രൂപ കൂടുമെന്ന് മില്‍മ ചെയര്‍മാന്‍ മില്‍മ കെ. എസ്. മണി. ലിറ്ററിന് ആറ് രൂപയാണ് വർദ്ധിക്കുക. സര്‍ക്കാര്‍ ശുപാര്‍ശ ഭാഗികമായി അംഗീകരിച്ചെന്നും അദ്ദേഹം വാര്‍ത്താ സമ്മേളനത്തിൽ വ്യക്തമാക്കി. പുതുക്കിയ നിരക്ക് ഡിസംബര്‍ ഒന്ന് മുതൽ പ്രാബല്യത്തില്‍ വരും.
വർധിപ്പിക്കുന്ന വിലയുടെ 83.75 ശതമാനം കര്‍ഷകന് നല്‍കുമെന്നും മില്‍മ വ്യക്തമാക്കി. ഇതോടെ കർഷകന് ലിറ്ററിന് 5.025 രൂപ ലഭിക്കും. വിതരണക്കാര്‍ക്കും ക്ഷീര സഹകരണ സംഘങ്ങള്‍ക്കും 0.75 ശതമാനവും മില്‍മയ്ക്ക് 3.50 ശതമാനം പ്ലാസ്റ്റിക് നിര്‍മാര്‍ജനത്തിന് 0.50 ശതമാനം എന്നിങ്ങനെയാണ് വർധനവിന്റെ വിതരണം.
പാല്‍വില വര്‍ധന സംബന്ധിച്ച് പഠിക്കുന്നതിനായി നിയോഗിച്ച വിദഗ്ധ സമിതി നല്‍കിയ ഇടക്കാല റിപ്പോര്‍ട്ട് പരിഗണിച്ചാണ് പുതിയ തീരുമാനം. പാലക്കാട് ചേര്‍ന്ന അടിയന്തര ബോര്‍ഡ് യോഗത്തില്‍ മില്‍മ പാല്‍ ലിറ്ററിന് 8 രൂപ 57 പൈസ വര്‍ധിപ്പിക്കാനാണ് തീരുമാനം.
