യുവകർഷകൻ നെല്ലിയുള്ള കണ്ടി ഷാജിയെ ഫീനിക്സ് സ്വയം സഹായ സംഘം ആദരിച്ചു

നൊച്ചാട്: വയൽ പാട്ടത്തിന് എടുത്ത് ആയിരത്തോളം വാഴകളും പൂളകൃഷിയും നടത്തി യുവകർഷകനായി തെരഞ്ഞെടുത്ത നെല്ലിയുള്ള കണ്ടി ഷാജിയെ ഫീനിക്സ് സ്വയം സഹായ സംഘം ആദരിച്ചു. മറ്റാരെയും നിർമ്മാണ പ്രവൃത്തിക്ക് ക്ഷണിക്കാതെ ഏകദേശം 38 ദിവസത്തെ ജോലി ചെയ്തു കൊണ്ടാണ് ഷാജി ഇത്രയും വാഴയും പൂളയും ഉണ്ടാക്കിയത്. കോൺക്രീറ്റ് നിർമ്മാണ പ്രവൃത്തിയിലും ഷാജി സജീവ സാന്നിധ്യമാണ്. 

     യോഗത്തിൽ പി.കെ. സുരേഷ് അദ്ധ്യക്ഷനായി. കെ.കെ. ഇബ്രാഹിം ഉപഹാര സമർപ്പണം നടത്തി. പി.കെ. ശ്രീധരൻ, കുഞ്ഞിക്കണ്ണൻ ഇ.എം., സജീർ ഇ.എം., വിനു സി., ഉണ്ണി പി.കെ., രനീഷ് ഇ.എം., ഷാജി എൻ.കെ. എന്നിവർ സംസാരിച്ചു.