കാശ്മീര്‍ ഹുറിയത്ത് നേതാവ് സയ്യിദ് അലി ഷാ ഗീലാനി അന്തരിച്ചു

ജമ്മു കാശ്മീർ: കാശ്മീർ വിഘടനവാദി നേതാവ് സയ്യിദ് അലി ഷാ ഗീലാനി അന്തരിച്ചു. 91 വയസ്സായിരുന്നു.

മൂന്ന് തവണ ജമ്മു കാശ്മീർ നിയമസഭയിലേക്ക് തെരഞ്ഞെടുക്കപ്പെട്ടിട്ടുണ്ട്.

മുന്‍ മുഖ്യമന്ത്രിയും പി.ഡി.പി നേതാവുമായ മെഹ്ബൂബ മുഫ്തി മരണം സ്ഥിരീകരിച്ച് ട്വീറ്റ് ചെയ്തു. സയ്യിദ് ​ഗീലാനിയുടെ വിയോ​ഗത്തിൽ അതീവ ദുഖം രേഖപ്പെടുത്തുന്നതായാണ് മെഹ്ബൂബ മുഫ്തി ട്വിറ്ററിൽ കുറിച്ചത്.

ഹുറിയത്ത് കോണ്‍ഫറന്‍സ് അധ്യക്ഷനായിരുന്ന സയ്യിദ് ഗീലാനി 1972, 1977, 1982 വർഷങ്ങളിൽ സോപോറിൽ നിന്നാണ് നിയമസഭയിലേക്ക് തെരഞ്ഞെടുക്കപ്പെടുന്നത്. ഏറെ നാളായി വീട്ടുതടങ്കലിലായിരുന്നു.