പോത്തിനെ ഓട്ടോയിൽ കെട്ടി വലിച്ച സംഭവത്തിൽ രണ്ട് പേർ അറസ്റ്റിൽ

നാദാപുരം: അറവുശാലയിലേക്ക് കൊണ്ട് പോകുന്ന പോത്തിനെ ഓട്ടോയിൽ കെട്ടി വലിച്ച സംഭവത്തിൽ  നാദാപുരം പൊലീസ് രണ്ടു പേരെ അറസ്റ്റ് ചെയ്തു. കുമ്മങ്കോട്ടെ മാംസ വിൽപ്പനശാല നടത്തിപ്പുകാരായ പുളിക്കൂൽ ഉസ്മാൻ (45), തയുള്ളതിൽ ബീരാൻ (40) എന്നിവരെയാണ്  മൃഗങ്ങളോടുള്ള ക്രൂരതകൾ തടയൽ നിയമപ്രകാരം കേസെടുത്തത്.
കെട്ടി വലിച്ച് കൊണ്ട് പോയ ഓട്ടോറിക്ഷയും  കസ്റ്റഡിയിലെടുത്തു. കഴിഞ്ഞ ദിവസമാണ് കേസിനാസ്പദമായ സംഭവം നടന്നത്. അറവുശാലയിലേക്ക് കൊണ്ടുപോകുന്ന പോത്തിനെ ഓട്ടോയുമായി കയറിൽ ബന്ധിച്ച്‌ ഓടിക്കുകയായിരുന്നു.  ഇക്കാര്യം സോഷ്യൽ മീഡിയിൽ  പ്രചരിച്ചതോടെയാണ്‌ പുറം ലോകം അറിഞ്ഞത്.