ഇന്ത്യയുടെ ഔദ്യോഗിക ഓസ്‌കര്‍ എന്‍ട്രി ഷോര്‍ട്ട് ലിസ്റ്റില്‍ മലയാള ചിത്രം നായാട്ടും.
കുഞ്ചാക്കോ ബോബന്‍, നിമിഷ സജയന്‍, ജോജു എന്നിവരാണ് നായാട്ടില്‍ പ്രധാന കഥാപാത്രങ്ങളെ അവതരിപ്പിച്ചത്.
NDR News
20 Oct 2021 04:24 PMകൊൽക്കത്ത :ഇന്ത്യയുടെ ഔദ്യോഗിക ഓസ്‌കര്‍ എന്‍ട്രി ഷോര്‍ട്ട് ലിസ്റ്റില്‍ മലയാള ചിത്രം നായാട്ടും. ഓസ്‌കര്‍ എന്‍ട്രിക്കുള്ള ഷോര്‍ട്ട് ലിസ്റ്റിലാണ് മാര്‍ട്ടിന്‍ പ്രക്കാട്ട് സംവിധാനം ചെയ്ത നായാട്ട് ഉള്ളത്.
തമിഴില്‍ നിന്ന് യോഗി ബാബു കേന്ദ്ര കഥാപാത്രമായ ‘മണ്ടേല’, വിദ്യാ ബാലന്‍ കേന്ദ്രകഥാപാത്രമായ ഹിന്ദി ചിത്രം ‘ഷേര്‍ണി’, ഷൂജിത് സര്‍ക്കാര്‍ സംവിധാനം ചെയ്ത ‘സര്‍ദാര്‍ ഉദ്ധം’ എന്ന സ്വാതന്ത്ര്യസമര നായകന്‍ ഉദ്ധം സിംഗിന്റെ ബയോപിക് എന്നിവയും മത്സരിക്കുന്നുണ്ട്.ഇന്ത്യയുടെ ഔദ്യോഗിക എന്‍ട്രി കണ്ടെത്താനുള്ള വിധി നിര്‍ണയം കൊല്‍ക്കത്തയില്‍ നടക്കുകയാണ്. സംവിധായകന്‍ ഷാജി എന്‍ കരുണ്‍ ആണ് ജൂറി ചെയര്‍മാന്‍.
കുഞ്ചാക്കോ ബോബന്‍, നിമിഷ സജയന്‍, ജോജു എന്നിവരാണ് നായാട്ടില്‍ പ്രധാന കഥാപാത്രങ്ങളെ അവതരിപ്പിച്ചത്. ഷോര്‍ട്ട്ലിസ്റ്റില്‍നിന്ന് തിരഞ്ഞെടുക്കുന്ന ചിത്രം 2022 മാര്‍ച്ച് 24ന് നടക്കുന്ന ഓസ്‌കാര്‍ പുരസ്‌കാരത്തിനുള്ള നോമിനേഷന് സമര്‍പ്പിക്കപ്പെടുന്ന ചിത്രമാകും. ലിജോ ജോസ് പെല്ലിശേരി ചിത്രം ജല്ലിക്കട്ട് ആയിരുന്നു 2020ല്‍ ഇന്ത്യയുടെ ഓസ്‌കര്‍ ഔദ്യോഗിക എന്‍ട്രി.14 സിനിമകളാണ് ജൂറിക്ക് മുന്നില്‍ എത്തിയത്.
