തലശേരിയില് സി.പി.എം പ്രവര്ത്തകന്റെ കൊലപാതകം; ഏഴ് പേര് പിടിയില്
കസ്റ്റഡിയിലായവരെ സംബന്ധിച്ചുള്ള വിവരങ്ങള് പോലീസ് പുറത്തുവിട്ടിട്ടില്ല.
NDR News
21 Feb 2022 02:32 PMകണ്ണൂര്: തലശേരിയില് സി.പി.എം പ്രവര്ത്തകന് ഹരിദാസന് കൊല്ലപ്പെട്ട സംഭവത്തില് ഏഴ്പേര് പോലീസ് പിടിയില്. പ്രകോപനപരമായ പ്രസംഗം നടത്തിയ ബി.ജെ.പി മണ്ഡലം പ്രസിഡന്റും നഗരസഭാ കൗണ്സിലറുമായ ലിജേഷിനെ കസ്റ്റഡിയിലെടുക്കുമെന്നും പോലീസ് വ്യക്തമാക്കി.
നേരത്തെ പ്രദേശത്ത് ഉണ്ടായ സംഘര്ഷത്തില് ഉള്പ്പെട്ടിരുന്നവരെയാണ് പോലീസ് അറസ്റ്റ് ചെയ്തിരിക്കുന്നതെന്നാണ് വിവരം. കസ്റ്റഡിയിലായവരെ സംബന്ധിച്ചുള്ള വിവരങ്ങള് പോലീസ് പുറത്തുവിട്ടിട്ടില്ല. കസ്റ്റഡിയിലെടുത്തവരില് നിന്നും സംഭവത്തിന്റെ ദൃക്സാക്ഷിയായ ഹരിദാസന്റെ സഹോദരനില് നിന്നും പ്രതികളെ കുറിച്ചുള്ള വിവരങ്ങള് ശേഖരിച്ച് വരികയാണ് പോലീസ്.
