തൃശൂരിൽ നാലാം ക്ലാസ് വിദ്യാർത്ഥിക്ക് പാമ്പ് കടിയേറ്റു; കുട്ടിയുടെ ആരോഗ്യനില തൃപ്തികരം

തൃശൂർ: വടക്കാഞ്ചേരിയിൽ നാലാം ക്ലാസ് വിദ്യാർത്ഥിക്ക് പാമ്പ് കടിയേറ്റു. വടക്കാഞ്ചേരി ആനപ്പറമ്പ് സ്കൂളിലെ  വിദ്യാർത്ഥിക്കാണ്  സ്ക്കൂൾ ബസ് ഇറങ്ങുന്നതിനിടെ കടിയേറ്റത്. അണലിയുടെ കടിയേറ്റ കുമരനെല്ലൂർ സ്വദേശി ആദേശിനെ(9) ഉടൻ തന്നെ  താലൂക്ക് ആശുപത്രിയിലെത്തിച്ചു.  പിന്നീട് തൃശൂർ മെഡിക്കൽ കോളേജ് ആശുപത്രിയിൽ കൊണ്ടുപോയി. കുട്ടിയുടെ ആരോഗ്യനില തൃപ്തികരമാണെന്ന് ആശുപതി അധികൃതർ അറിയിച്ചു. 

     വടക്കാഞ്ചേരി ഗവ.ബോയ്സ് എൽപി സ്കൂളിലാണ് കുട്ടി പഠിക്കുന്നത്. ഈ സ്കൂളിൽ നിർമ്മാണ പ്രവർത്തനങ്ങൾ നടക്കുന്നതിനാൽ ആനപ്പറമ്പ് സ്കൂളിലേക്ക് താത്ക്കാലികമായി ക്ലാസുകൾ മാറ്റിയിരുന്നു.പാമ്പിനെ സംഭവ സ്ഥലത്തുണ്ടായിരുന്നവർ അടിച്ചുകൊന്നു. കുട്ടിയെ കടിച്ചത് അണലിയെന്ന് തിരിച്ചറിഞ്ഞു.