താമരശ്ശേരി ചുരത്തിൽ ലോറി പള്ളിക്കു മുകളിലേക്ക് മറിഞ്ഞ് അപകടം

താമരശ്ശേരി: താമരശ്ശേരി ചുരത്തിൽ ഓറഞ്ചുമായി വന്ന ലോറി പള്ളിക്ക് മുകളിലേക്ക് മറിഞ്ഞു. ചുരം റോഡിൽ ചിപ്പിലിത്തോട് ജുമാ മസ്ജിദിന് മുകളിലേക്കാണ് ലോറി മറിഞ്ഞത്. രാത്രി പന്ത്രണ്ടരയോടെ ആയിരുന്നു അപകടം.രാത്രി സമയമായതിനാലും റോഡിൽ വാഹനങ്ങൾ കുറവായതിനാലും കൂടുതൽ അപകടം ഉണ്ടാവാതെ രക്ഷപ്പെട്ടു.

         ലോറി കർണാടകയിൽ നിന്ന് ഓറഞ്ചുമായി വരികയായിരുന്നു. അപകടത്തിൽ മസ്‌ജിദിന്റെ മിനാരവും ഒരു ഭാഗവും പൂർണമായും തകർന്നു. പരിക്കേറ്റ ലോറി ഡ്രൈവറെ ആശുപത്രിയിൽ പ്രവേശിപ്പിച്ചു.