തിരുവനന്തപുരം കിഴക്കേ കോട്ടയിൽ തീപിടുത്തം; ആളുകളെ ഒഴിപ്പിച്ചു തുടങ്ങി

തിരുവനന്തപുരം: തിരുവനന്തപുരം കിഴക്കേക്കോട്ടയില്‍ തീപിടിത്തം. ബസ് കാത്തിരിപ്പ് കേന്ദ്രത്തിന് സമീപമുള്ള കടകളിലാണ് തീപിടിച്ചത്. ചായക്കടയില്‍ നിന്നാണ് തീ പിടിച്ചതെന്നാണ് വിവരം. മൂന്ന് ഫയര്‍ഫോഴ്‌സ് യൂണിറ്റുകളെത്തി സ്ഥലത്തെ തീ അണച്ചു.

       പ്രദേശത്ത് വലിയ തോതിൽ പുക പടര്‍ന്നിട്ടുണ്ട്. ആളപായം ഇല്ലെന്നാണ് പ്രാഥമിക നിഗമനം. കടകളില്‍ നിന്നും മറ്റും ആളുകളെ ഒഴിപ്പിക്കുകയാണ്. നാല് കടകളിലേക്കാണ് തീപടര്‍ന്നത്. കൂടുതല്‍ കടകളിലേക്ക് തീ പടരാതിരിക്കാനാണ് ശ്രമം നടക്കുന്നത്.