12 വയസ്സുകാരിയെ പീഡിപ്പിച്ച പൂനത്ത് സ്വദേശിക്ക് 10 വർഷം കഠിന തടവും പിഴയും

കൊയിലാണ്ടി: പന്ത്രണ്ട് വയസ്സുകാരിയെ ലൈംഗികമായി പീഡിപ്പിച്ചെന്ന കേസിൽ പൂനത്ത് സ്വദേശിക്ക് പത്തു വർഷം കഠിന തടവും, മുപ്പത്തിനായിരം രൂപ പിഴയും ശിക്ഷ വിധിച്ചു. പൂനത്ത്, വായോറ മലയിൽ വീട്ടിൽ ബിജു (42)നു ആണ് കൊയിലാണ്ടി ഫാസ്റ്റ് ട്രാക്ക് സ്പെഷ്യൽ കോടതി പോക്സോ നിയമപ്രകാരവും, ഇന്ത്യൻ ശിക്ഷാ നിയമപ്രകാരവും ശിക്ഷ വിധിച്ചത്. 2016ൽ ആണ് കേസ് ആസ്‌പദമായ സംഭവം, പ്രതിയുടെ അമ്മയുടെ വീടിനടുത്ത് കൂടെ നടന്നു പോയ കുട്ടിയെ വീടിനകത്തേക്ക് പിടിച്ചു കൊണ്ട് പോയി ലൈംഗികമായി പീഡിപ്പിക്കുകയായിരുന്നു. കുട്ടി പിന്നീട് വിവരം സ്കൂ‌ളിന് കൗൺസിലറോട് പീഢന വിവരം പുറത്തു പറയുകയായിരുന്നു.

      ഇതേ തുടർന്ന് ബാലുശ്ശേരി സ്റ്റേഷനിൽ വിവരമറിയിക്കുകയും ബാലുശ്ശേരി പോലീസ് കേസ് രജിസ്റ്റർ ചെയ്യുകയും ചെയ്തു. ഡി വൈ എസ്‌പി ജയൻ ഡോമിനിക്, സർക്കിൾ ഇൻസ്പെക്ടർ സുരേഷ് കുമാർ എംകെ എന്നിവർ ആണ് കേസ് അന്വേഷിച്ചത്. പ്രോസിക്യൂഷനു വേണ്ടി അഡ്വ പി ജെതിൻ ഹാജരായി.