വടകര ദേശീയപാതയിലെ സർവീസ് റോഡിൽ വൻ ഗർത്തം രൂപം കൊണ്ടു

വടകര: വടകരയിൽ ദേശീയപാതയിൽ റോഡിൽ വൻ ഗർത്തം രൂപംകൊണ്ടു. വടകര ലിങ്ക് റോഡ് ഭാഗത്ത് കോഴിക്കോട്ടേക്ക് പോകുന്ന റൂട്ടിലാണ് ഗർത്തം രൂപം കൊണ്ടത്. റോഡിൽ കുഴി രൂപപ്പെട്ടതോടെ ദേശീയപാതയിൽ ഗതാഗതം തടസ്സപ്പെട്ടു.  

     കിലോമീറ്ററുകളോളം നീളത്തിലാണ് വാഹനങ്ങൾ കുടുങ്ങിക്കിടക്കുന്നത്. ദേശീയപാത കരാർ കമ്പനി അധികൃതർ കുഴി നികത്താൻ ശ്രമം തുടങ്ങിയിട്ടുണ്ടെങ്കിലും വളരെ വൈകിയും പ്രശ്നം പരിഹരിച്ചിട്ടില്ല.