വടകര താഴെ അങ്ങാടിയിൽ ഇന്നുച്ചയ്ക്ക് പതിനാലുകാരൻ മുങ്ങിമരിച്ചു

വടകര: താഴെ അങ്ങാടിയിൽ ക്ഷേത്രക്കുളത്തിൽ പതിനാലുകാരൻ മുങ്ങിമരിച്ചു. ഇന്ന് ഉച്ചയ്ക്ക് ഒന്നരയോടെയായിരുന്നു സംഭവം. താഴെ അങ്ങാടി കൊയിലാണ്ടി വളപ്പിൽ പി.വി.സി ഹൗസിൽ സഹൽ ആണ് മരിച്ചത്. കൂട്ടുകാരനൊപ്പം കുളത്തിൽ കുളിക്കാൻ ഇറങ്ങിയതായിരുന്നു കുട്ടി.

       മൂന്നാഴ്‌ചയായി തണ്ണീർപ്പന്തലിലെ പുതിയ വീട്ടിലായിരുന്നു സഹലും കുടുംബവും താമസം. ബന്ധുവിൻ്റെ വിവാഹനിശ്ചയ ചടങ്ങിൽ പങ്കെടുക്കാനായി ഇന്ന് താഴെ അങ്ങാടിയിലെ തറവാട്ട് വീട്ടിലെത്തിയതാരിയുന്നു.ഉപ്പ: അസ്ലം. ഉമ്മ: നസീറ. സഹോദരങ്ങൾ: അദ്‌നാൻ.