.കൂത്താളിയിൽ 29 കുപ്പി വിദേശ മദ്യവുമായി മധ്യവയസ്കൻ അറസ്റ്റിൽ

പേരാമ്പ്ര: കൂത്താളിയിൽ വിൽപ്പനക്കായി കൊണ്ടുവന്ന 29 ഓളം വിദേശ മദ്യ കുപ്പിയുമായി മധ്യവയസ്കൻ അറസ്റ്റിൽ. കൂത്താളി എടത്തിന്റെ മീത്തൽ ദിനേശൻ(51) ആണ് പേരാമ്പ്ര പോലീസിന്റെ പിടിയിലയത്. ഒഴിവു ദിവസം മുന്നിൽ കണ്ടുകൊണ്ട് വിൽപ്പനക്കായി കരുതിയ മദ്യം ആണിതെന്നു കരുതുന്നു. പേരാമ്പ്ര പോലീസ് ഇൻസ്‌പെക്ടർ ജംഷിദിനു ലഭിച്ച രഹസ്യവിവരത്തെ തുടർന്നു പോലീസ് നടത്തിയ പരിശോധനയിൽ ആണ് കല്ലാട്ടു കുട്ടിപ്പറമ്പിൽ റോഡിൽ പുത്തൻ വീട്ടിൽ എന്ന സ്ഥലത്ത് വെച്ച് കെ.എൽ.56 യു 3896 നമ്പർ സ്കൂട്ടറിൽ കടത്തി കൊണ്ടു വരികയായിരുന്ന മദ്യം പോലീസ് പിടികൂടിയത്.   

    പ്രതി അനധികൃതമായി സ്ഥിരം മദ്യവില്പന നടത്തുന്നയാളാണെന്നു പോലീസ് പറഞ്ഞു. ഇൻസ്‌പെക്ടർ പി. ജംഷിദിന്റെ നിർദേശ പ്രകാരം സബ് ഇൻസ്‌പെക്ടർ പി. ഷമീർ, സിവിൽ പോലീസ് ഓഫീസർമാരായ സുനിൽ. വി.പി, സുജില, ബൈജു,ഡാൻസഫ് സ്‌ക്വാഡ് അംഗങ്ങളായ ജയേഷ്, സിഞ്ചു ദാസ് തുടങ്ങിയവരാണ് സംഘത്തിൽ ഉണ്ടായിരുന്നത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.