ബാലുശ്ശേരിയിൽ വാഹനപകടത്തിൽ തുരുത്തിയാട് സ്വദേശികളായ രണ്ട് യുവാക്കൾ മരിച്ചു

ബാലുശ്ശേരി: ബാലുശ്ശേരിയിൽ ഇന്നലെ രാത്രി ഉണ്ടായ അപകടത്തിൽ രണ്ട് യുവാക്കൾക്ക് ദാരുണാന്ത്യം. തുരുത്തിയാട് കോളശേരി മീത്തൽ ബിജീഷ് (36) സജിൻ ലാൽ (31) മരിച്ചത്.പോലീസ് സ്റ്റേഷന് സമീപം ബ്ലോക്ക് റോഡ് ജംഗ്ഷനിൽ വെച്ച് ടിപ്പർ ലോറിയും ബൈക്കും കുട്ടിയിടിച്ചാണ് അപകടം ഉണ്ടായത്.

      യുവാക്കൾ സഞ്ചരിച്ച ബൈക്ക് റോഡിൽ മറയുകയും തുടർന്ന് എതിർ ദിശയിൽ വന്ന ലോറി ഇരുവരെയും ഇടിച്ചു തെറിപ്പിക്കുകയും ചെയ്‌തു. മുൻപും ഈ പരിസരത്ത് നിരവധി അപകടങ്ങൾ ഉണ്ടായിട്ടുണ്ട്. ബാലുശ്ശേരി പോലീസ് സ്ഥലത്തെത്തി അനന്തര നടപടികൾ സ്വീകരിച്ചു. മൃതദേഹം ഇപ്പോൾ കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലാണ് ഉള്ളത്. പോസ്റ്റ് മാർട്ടം നടപടികൾക്ക് ശേഷം മൃതദേഹം വീട്ടിൽ എത്തിക്കും