കെ എസ് ആർ ടി സി കണ്ടക്ടർ കഞ്ചാവുമായി പിടിയിൽ

ആലപ്പുഴ:കഞ്ചാവുമായി കെ എസ് ആർ ടി സി കണ്ടക്ടർ പിടിയിൽ. മാവേലിക്കര ഭരണിക്കാവ് സ്വദേശി ജിതിൻ കൃഷ്ണ‌യാണ് എക്സൈസിൻ്റെ പിടിയിലായത്. ഇന്നലെ രാത്രി 12.30 മണിയോടെ ഇരുചക്ര വാഹനത്തിൽ കഞ്ചാവുമായി പോകുമ്പോഴാണ് പിടിയിലായത്.

    ഇയാളുടെ കൈവശം 1.286 കിലോഗ്രാം കഞ്ചാവ് പിടിച്ചെടുത്തു. കെഎസ്ആർടിസി ഹരിപ്പാട് ഡിപ്പോയിലെ കണ്ടക്ടർ ആണ് ഇയാൾ. രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ആലപ്പുഴ എക്സൈസ് സ്പെഷ്യൽ സ്ക്വാഡിൻ്റെ പിടിയിലായത്.