പേരാമ്പ്ര ബൈപാസിൽ പൈതോത്ത് റോഡ് ജംഗ്ഷനിൽ കാറും ജീപ്പും കൂട്ടിയിടിച്ച് അപകടം

പേരാമ്പ്ര :പേരാമ്പ്ര ബൈപാസിൽ പൈതോത്ത് റോഡ് ജംഗ്ഷനിൽ കാറും ജീപ്പും കൂട്ടിയിടിച്ച് അപകടം. ഇന്ന് രാവിലെ 11 മണിയോടെയാണ് സംഭവം. കിഴക്കൻ പേരാമ്പ്ര നിന്നും പേരാമ്പ്രയിലേക്ക് സർവീസ് നടത്തുന്ന ജീപ്പിൽ കോഴിക്കോട് ഭാഗത്തു നിന്നും ഇടിക്കുകയായിരുന്നുവെന്ന് ദൃക്സാക്ഷികൾ പറഞ്ഞു. ഇടിയുടെ ആഘാതത്തിൽ ജീപ്പ് കറങ്ങി തിരിഞ്ഞു ഡിവൈഡറിൻ്റെ അരികിലേക്ക് എത്തിയാണ് നിന്നത്.

          അപകടത്തിൽ 3 പേർക്ക് പരിക്കേറ്റു. കിഴക്കൻ പേരാമ്പ്ര വടക്കേ പറമ്പിൽ മല്ലിക (49), പീടികയുള്ള പറമ്പിൽ ഫൗസിയ (39), പൈതോത്ത് കോരങ്കണ്ടി മൊയ‌ി (73) എന്നിവർക്കാണ് പരിക്കേറ്റത്. ജീപ്പിൽ നിന്നും തെറിച്ചു റോഡിൽ വീണാണ് മല്ലികയ്ക്ക് പരിക്കേറ്റത്. പരിക്കേറ്റവരെ ഉടൻ പേരാമ്പ്ര ഇഎം എസ് സഹകരണ ആശുപത്രിയിൽ പ്രവേശിപ്പിച്ചു.