ചുരത്തിൽ ലോറി തകരാറിലായതിനെത്തുടർന്ന് വീണ്ടും ഗതാഗത തടസ്സം

താമരശ്ശേരി: വയനാട്ടിലേക്കുള്ള താമരശ്ശേരി ചുരത്തിൽ വാഹനം കേടായതിനെ തുടർന്ന് വീണ്ടും ഗതാഗത തടസ്സം. ചുരം ആറാം വളവിന് മുകളിലായി ലോറിയാണ് ഇത്തവണ തകരാറിലായത്.ഇതിനെ തുടർന്ന് ഗതാഗതം തടസ്സപ്പെടുകയാണ്. ഇപ്പോൾ വാഹനങ്ങൾ വൺ-വെ ആയി കടന്നു പോകാൻ ഇവിടെ സൗകര്യം ഒരുക്കിയിട്ടുണ്ട്. 

    ചുരം സംരക്ഷണ സമിതി പ്രവർത്തകരും പോലീസും സ്ഥലത്തെത്തി. അപകട സ്ഥലത്ത് നിന്ന് ലോറി മാറ്റി ഗതാഗതം പുനസ്ഥാപിക്കാനുള്ള ശ്രമങ്ങൾ നടക്കുന്നുണ്ട്.