പുറക്കാട്ടിരി പാലത്തിന് സമീപം ബൈക്ക് ഡിവൈഡറിൽ ഇടിച്ച് ബാലുശ്ശേരി സ്വദേശി മരിച്ചു

ബാലുശ്ശേരി: ദേശീയപാതയിൽ പുറക്കാട്ടിരി പാലത്തിന് സമീപം ബൈക്ക് ഡിവൈഡറിൽ ഇടിച്ച് ബാലുശ്ശേരി സ്വദേശിയായ യുവാവ് മരിച്ചു. മഞ്ഞപ്പാലം നായിക്കുന്നുമ്മൽ അഭിജിത്ത് ആണ് മരിച്ചത്. ഇരുപത്തിയഞ്ച് വയസായിരുന്നു. ഇന്നലെ രാത്രി ഒമ്പതു മണിയോടെയായിരുന്നു അപകടം. മലപ്പറമ്പ് ഭാഗത്തുനിന്നും വെങ്ങളം ഭാഗത്തേക്ക് പോകുകയായിരുന്നു ബൈക്ക്. പുറക്കാട്ടിരി പുതിയ പാലത്തിന് സമീപം റോഡ് വഴിതിരിച്ചു വിടാൻ സ്ഥാപിച്ച ഡിവൈഡറിൽ ഇടിയുടെ ആഘാതത്തിൽ റോഡിലേക്ക് തെറിച്ച് വീണ അഭിജിത്തിനെ കോഴിക്കോട് മെഡിക്കൽ കോളേജിൽ എത്തിച്ചെങ്കിലും ജീവന് രക്ഷിക്കാനായില്ല. മൊടക്കല്ലൂരിലെ സ്വകാര്യ ആശുപത്രിയിലെ കാന്റീനിലെ അക്കൗണ്ടാണ് അഭിജിത്ത്.

      അച്ഛൻ: സുനിൽ അമ്മ രാധാമണി. മൃതദേഹം പോസ്റ്റുമോർട്ടത്തിനു ശേഷം ബന്ധുക്കൾക്ക് വിട്ടുനൽകും.