നടുവത്തൂരിൽ നിന്നും ഇന്നലെ കാണാതായ യുവാവിന്റെ മൃതദേഹം കുളത്തിൽ കണ്ടെത്തി

കീഴരിയൂർ: നടുവത്തൂരിൽ നിന്നും ഇന്നലെ രാവിലെ കാണാതായ യുവാവിന്റെ മൃതദേഹം കുളത്തിൽ കണ്ടെത്തി. ചോനാണ്ടി അജിത്താണ് മരിച്ചത്. ഇരുപത്തിയൊന്ന് വയസായിരുന്നു. ഇന്നലെ പുലര്ച്ചെ രണ്ടുമണിക്കാണ് അജിത്തിനെ കാണാതായത്. തുടർന്ന് വീട്ടുകാർ പോലീസിൽ പരാതി നൽകി. അന്വേഷണം പുരോഗമിക്കുന്നതിനിടെ ഇന്ന് ആശേരി തെരു അമ്പലക്കുളത്തിൽ നിന്നും മൃതദേഹം കണ്ടെത്തുകയായിരുന്നു. 

     ബിരുദ വിദ്യാർത്ഥിയാണ്.അച്ഛൻ: ചോനാണ്ടി ശശി. അമ്മ: ഷൈനി. സഹോദരൻ: ആദര്ശ്. മൃതദേഹം തറവാട്ട് വീട്ടുപറമ്പിൽ സംസ്കരിച്ചു.