അരിക്കുളം മാവട്ട് സ്വദേശി മുത്താമ്പി പാലത്തിൽ നിന്ന് പുഴയിൽ ചാടി മരിച്ചു

കൊയിലാണ്ടി: അരിക്കുളം മാവട്ട് സ്വദേശി മുത്താമ്പി പാലത്തിൽ നിന്ന് പുഴയിൽ ചാടി മരിച്ചു. ഇന്ന് പുലർച്ചെ രണ്ടു മണിയോടെയാണ് അരിക്കുളം മാവട്ട് മോവർ വീട്ടിൽ പ്രമോദ് (48) പുഴയിൽ ചാടി മരിച്ചത്. നടേരിഭാഗം മുത്താമ്പി പാലത്തിന് അടിഭാഗത്ത് വെച്ചാണ് മൃതദേഹം പോലീസും ഫർഫോഴ്‌സും സ്‌കൂബ ടീമും അടങ്ങിയ സംഘം കണ്ടെത്തിയത്. ഇന്ന് പുലർച്ചെയാണ് മുത്താമ്പി പാലത്തിൽ വാഹനം നിർത്തിയിട്ട നിലയിൽ ശ്രദ്ധയിൽ പ്പെടുകയായിരുന്നു. തുടർന്ന് നാട്ടുകാർ പോലീസിനെ വിവരം അറിയിക്കുകയായിരുന്നു. കൊയിലാണ്ടി പോലീസും ഫയർഫോഴ്സു‌ം വെള്ളിമാട്‌കുന്ന് നിന്നും അഗ്‌നി രക്ഷാ സേനയുടെ സ്‌കൂബ ടീം തിരച്ചിൽ നടത്തുന്നതിനിടെയാണ് മൃതദേഹം ലഭിച്ചത്. മൃതദേഹം കൊയിലാണ്ടി താലൂക്ക് ആശുപത്രിയിലേയ്ക്ക് മാറ്റി.

    കൊയിലാണ്ടി അഗ്‌നി രക്ഷാ നിലയം സ്റ്റേഷൻ ഓഫീസർ ബിജു വി.കെയുടെ നേതൃത്വത്തിൽ എ.എസ്.ടി.ഓ അനിൽകുമാർ പി എം, എസ്.എഫ്.ആർ.ഓ അനൂപ് ബി കെ, ഫയർ ആൻഡ് റസ്ക്യൂ ഓഫീസർമാരായ അനൂപ് വി.കെ, അനൂപ് പി, മനു പ്രസാദ്, അഭിലാഷ്, നിഖിൽ മല്ലിശ്ശേരി, നിഖിൽ, ഇർഷാദ് ടി.കെ, ജാഹിർ എം, രജീഷ് വി.പി, സിജിത്ത് സി, രജിലേഷ് സി എം, ഹോം ഗാർഡുമാരായ അനിൽകുമാർ, സുധീഷ് എന്നിവർ രക്ഷ പ്രവർത്തനത്തിൽ ഏർപ്പെട്ടു.