തൃശ്ശൂർ സ്വദേശിയായ വിദ്യാർത്ഥിക്ക് വടകരയിൽ ട്രെയിനിൽ നിന്ന് വീണ് ഗുരുതര പരിക്ക്

വടകര : കണ്ണൂർ ഐടിഐയിൽ പഠിക്കുന്ന തൃശ്ശൂർ സ്വദേശിയായ യുവാവ് ട്രെയിനിൽ നിന്ന് വീണ് ഗുരുതരമായി പരിക്കേറ്റു. തൃശ്ശൂർ നീലിപ്പാറ സ്വദേശി കാട്ടാക്കട ഇസ്മ‌ായിൽ ഇബ്രാഹിമിനാണ് (21) പരിക്കേറ്റത്. ചെന്നൈ മെയിലിൽ നിന്നും വീണ യുവാവിനെ റെയിൽവേ ട്രാക്കിന് സമീപം നാട്ടുകാരാണ് കണ്ടെത്തിയത്. വടക്കാഞ്ചേരിയിൽ നിന്ന് കണ്ണൂരിലേക്ക് പോകുന്നതിനിടയിലാണ് അപകടം. 

      കണ്ണൂർ ചാലിൽ ഐ ടി ഐ വിദ്യാർത്ഥിയാണ് ഇബ്രാഹിം. തിരക്കിനിടെ ട്രെയിനിൻ്റെ വാതിലിന്റെ ഭാഗത്ത് നിന്ന യുവാവ് യാത്രയ്ക്കിടെ അബദ്ധത്തിൽ കൈവിട്ട് വീണതാകാമെന്നാണ് നിഗമനം. തലയ്ക്ക് ഗുരുതരമായി പരിക്കേറ്റ വിദ്യാർത്ഥിയെ വടകര ഗവണ്മെന്റ് താലൂക്ക് ആശുപതിയിലേക്ക് മാറിയിട്ടുണ്ട്.