തുഷാരഗിരി പാലത്തിനു മുകളിൽ തൂങ്ങി നിൽക്കുന്ന നിലയിൽ പുരുഷന്റെ തല കണ്ടെത്തി

നെല്ലിപ്പൊയിൽ: തുഷാരഗിരി ആർച്ച് പാലത്തിന്റെ മുകളിൽ നിന്നും കയറിൽ കെട്ടി താഴേക്ക് ചാടിയ നിലയിൽ ഒരു മൃതദേഹം കണ്ടെത്തി. മൃതദേഹത്തിന്റെ തല കയറിൽ മുറുകി കുടുങ്ങിയ നിലയിലും, ശരീരം അറ്റു പാലത്തിന് താഴെ വീണുകിടക്കുന്ന രീതിയിലാണ് കാണപ്പെട്ടത്. 

     ആളിന്റെതെന്ന് സംശയിക്കുന്ന ചെരുപ്പ് പാലത്തിന് സമീപം ഊരി ഇട്ടിരിക്കുന്നതായും കണ്ടെത്തി. ആത്മഹത്യ ശ്രമത്തിനിടയിൽ സംഭവിച്ചതാണോ എന്ന് പ്രദേശവാസികൾ സംശയിക്കുന്നു.