പേരാമ്പ്രയിൽ യു.ഡി.എഫ്. - എല്‍.ഡി.എഫ്. സംഘര്‍ഷം; ഷാഫി പറമ്പില്‍ എം.പിക്ക് പരിക്ക്

പേരാമ്പ്ര: പേരാമ്പ്രയിൽ എല്‍.ഡി.എഫ്. - യു.ഡി.എഫ്. ജാഥകൾക്കിടെ സംഘർഷാവസ്ഥ. സ്ഥിതിഗതികൾ നിയന്ത്രിക്കാൻ പോലീസ് ലാത്തിച്ചാർജ് നടത്തുകയും കണ്ണീർവാതകം പ്രയോഗിക്കുകയും ചെയ്തു. സംഭവത്തിൽ ഷാഫി പറമ്പില്‍ എം.പിക്കും ഡി.സി.സി. പ്രസിഡന്റ് പ്രവീൺ കുമാറിനും പരിക്കേറ്റു.

     കഴിഞ്ഞ ദിവസമുണ്ടായ കോളേജ് യൂണിയന്‍ തെരഞ്ഞെടുപ്പുമായി ബന്ധപ്പെട്ട തര്‍ക്കത്തെ തുടര്‍ന്ന് ഇന്നലെ എല്‍.ഡി.എഫ്. - യു.ഡി.എഫ്. പ്രവർത്തകർ ഏറ്റുമുട്ടുകയും അതിനു പിന്നാലെ പേരാമ്പ്രയില്‍ യു.ഡി.എഫ്. ഹര്‍ത്താല്‍ പ്രഖ്യാപിക്കുകയും ചെയ്തിരുന്നു. തുടർന്ന് ഇരു വിഭാഗങ്ങളും ഇന്ന് വൈകിട്ട് പേരാമ്പ്രയില്‍ മാര്‍ച്ച് നടത്തുന്നതിനിടെയാണ് സംഘര്‍ഷമുണ്ടായത്. പൊലീസും കോൺഗ്രസ് പ്രവർത്തകരും ഏറ്റുമുട്ടി. പൊലീസ് കണ്ണീർ വാതകം പ്രയോഗിച്ചു.