ദേശീയപാതയിൽ പാലക്കുളത്ത് വൻ മരം കടപുഴകി വീണ് ഗതാഗത തടസ്സം; ഒഴിവായത് വൻ ദുരന്തം

കൊയിലാണ്ടി: ദേശീയപാതയിൽ പാലക്കുളത്ത് ശക്തമായ കാറ്റിലും മഴയിലും വൻ മരം കടപുഴകി വീണു. റോഡരികിലെ തണൽമരമാണ് ഇന്ന് വൈകീട്ട് 7.15 ഓടെ കടപുഴകിയത്. സംഭവ സമയം വാഹനങ്ങൾ കടന്നുപോകാതിരുന്നതിനാൽ വൻ അപകടം ഒഴിവായി.

     മരം വീണതിനെ തുടർന്ന് ദേശീയ പാതയിൽ വൻഗതാഗതക്കുരുക്കാണ് രൂപപ്പെട്ടത്. നിലവിൽ ആനക്കുളത്ത് നിന്ന് പുതിയ ബൈപ്പാസിലുടെ വാഹനങ്ങൾ വഴിതിരിച്ചു വിടുന്നുണ്ട്. ഫയർഫോഴ്സും പോലിസും സ്ഥലത്തെത്തി മരം മുറിച്ചു നീക്കാനുള്ള നടപടികൾ തുടരുകയാണ്.