കൊയിലാണ്ടി റെയിൽവേ സ്റ്റേഷനിൽ ട്രെയിൻതട്ടി തിക്കോടി സ്വദേശിയ്ക്ക് ഗുരുതര പരിക്ക്
കണ്ണൂരിലേക്ക് പോകുകയായിരുന്ന പാലക്കാട്-കണ്ണൂർ സ്പെഷ്യൽ ട്രെയിനാണ് ഇടിച്ചത്
NDR News
14 Jan 2026 10:43 PMകൊയിലാണ്ടി: കൊയിലാണ്ടി റെയിൽവേ സ്റ്റേഷനിൽ ട്രെയിൻതട്ടി തിക്കോടി സ്വദേശിയ്ക്ക് ഗുരുതര പരിക്ക്. ഇന്ന് രാത്രി 6.10 ഓടെയായിരുന്നു സംഭവം. പാലക്കാട്ടുനിന്നും കണ്ണൂരിലേക്ക് പോകുകയായിരുന്ന പാലക്കാട്-കണ്ണൂർ സ്പെഷ്യൽ ട്രെയിനാണ് ഇടിച്ചത്.
ട്രെയിൻ നിർത്തുന്നതിന് തൊട്ടുമുമ്പായിരുന്നു സംഭവം. ഇയാളുടെ കാലുകൾ എഞ്ചിനുള്ളിൽ കുടുങ്ങിയ നിലയിലായിരുന്നു. കൊയിലാണ്ടിയിൽ നിന്നും അഗ്നിരക്ഷാസേനയെത്തിയാണ് ഇയാളെ പുറത്തെടുത്തത്. കാലിന് ഗുരുതരമായി പരിക്കേറ്റ ഇയാളെ കൊയിലാണ്ടി താലൂക്ക് ആശുപത്രിയിലേക്ക് കൊണ്ടുപോയി.
