പയ്യോളിയിൽ ഇന്ന് ടർഫിൽ വെൽഡിങ്ങ് ജോലിക്കിടെ ഉയരത്തു നിന്ന് വീണ് യുവാവിന് ഗുരുതര പരിക്ക്

പയ്യോളി: ടർഫ് നിർമ്മാണ ജോലിക്കിടെ ഉയരത്തിൽ നിന്നും വീണ് യുവാവിന് ഗുരുതര പരിക്ക്. പയ്യോളിയിൽ ഇന്ന് ഉച്ചയോടെ കണ്ണൂർ സ്വദേശിയായ യുവാവിനെ ഗുരുതരമായി പരിക്കേറ്റത്. ഏതാനും ദിവസങ്ങളായി ഇവിടെ പൂർണമായും പൊളിച്ചുമാറ്റിയുള്ള നിർമാണ പ്രവർത്തനങ്ങൾ നടക്കുകയായിരുന്നു.

  പയ്യോളി പേരാമ്പ്ര റോഡിലെ 'കിക്ക് ഓഫ്' ടർഫിലാണ് അപകടമുണ്ടായത്. ഇരുമ്പ് ഫ്രെയിമിൽ നാലു മീറ്ററോളം ഉയരത്തിൽ ജോലി ചെയ്യുന്നതിനിടെ യുവാവ് താഴേക്ക് വീഴുകയായിരുന്നു. വീഴ്‌ചയുടെ ആഘാതത്തിൽ ഗുരുതര പരുക്കേറ്റ യുവാവിനെ ഉടൻ വടകര സഹകരണ ആശുപത്രിയിലാണ് പ്രവേശിപ്പിച്ചിരിക്കുന്നത്