ബാവലിയിൽ മയക്കു ഗുളികയുമായി മണിപ്പൂർ സ്വദേശിനി പിടിയിൽ
പോലീസിനെ കണ്ട് പരിഭ്രമിച്ചു നിൽക്കുന്നതിനിടെ സംശയം തോന്നി പരിശോധിക്കുകയായിരുന്നു
NDR News
06 Feb 2026 05:14 PMബാവലി: ബാവലിയിൽ പോലീസ് ചെക്ക് പോസ്റ്റിൽ പരിശോധനക്കിടെ മയക്കു ഗുളികയുമായി മണിപ്പൂർ സ്വദേശിനി പിടിയിലായി. മണിപ്പൂർ സേനാപതി സ്വദേശിനി ബിംല തമങ് (30) നെയാണ് തിരുനെല്ലി പോലീസ് പ്രിൻസിപ്പൽ എസ്. ഐ എം.എസിലും, എസ്.ഐ മെർവിനു സംഘവും ജില്ലാ പോലീസ് മേധാവിയുടെ ഡാൻസാഫ് അംഗങ്ങളും ചേർന്ന് പിടി കൂടിയത് . മയക്കുമരുന്നായ 8 ക്യാപ്സളുകൾ കണ്ടെത്തി.
ബാവലിയിൽ പോലീസിനെ കണ്ട് പരിഭ്രമിച്ചു നിൽക്കുന്നതിനിടെയാണ് സംശയം തോന്നിയ പോലീസ് സംഘം യുവതിയെ പരിശോധിച്ചത്. എസ്ഐ ശിവൻ, എസ്. സി.പി.ഒ പി.എം ലതീഷ്, സി.പി.ഒമാരായ എ.ആർ. ജിതിൻ, മനീഷ്, സി.ജെ രമ്യ, സുരേഷ്. പോലീസ് സംഘത്തിൽ ഉണ്ടായിരുന്നു.
