കുറുവങ്ങാട്ട് സ്കൂട്ടറിടിച്ച് മൊടക്കല്ലൂർ മെഡിക്കൽ കോളേജിലെ മൂന്ന് എംബിബിഎസ് വിദ്യാർത്ഥികൾ മരിച്ചു

കോഴിക്കോട്: കൊയിലാണ്ടി കുറുവങ്ങാട് വാഹനാപകടത്തിൽ മൊടക്കല്ലൂർ മെഡിക്കൽ കോളേജിലെ 3 എംബിബിഎസ് വിദ്യാർത്ഥികൾക്ക് ദാരുണാന്ത്യം. മൂവരും സഞ്ചരിച്ചിരുന്ന ഇലക്ട്രിക് സ്കൂട്ടർ നിയന്ത്രണം വിട്ട് പോസ്റ്റിലിടിച്ച് ഓടയിലേയ്ക്ക് മറിഞ്ഞാണ് അപകടമുണ്ടായത്. ഇന്നു പുലർച്ചെ രണ്ട് മണിയോടെ കുറുവങ്ങാട് അക്വഡറ്റിനു സമീപമായിരുന്നു അപകടം. മലബാർ മെഡിക്കൽ കോളെജിലെ . വിദ്യാർത്ഥികളായ നന്ദകിഷോർ, അഭിയാൻ, അഭിനവ് എന്നിവരാണ് മരണമടഞ്ഞത്. 

    മൂന്ന് പേരും സംഭവസ്ഥലത്ത് വെച്ച് തന്നെ മരിച്ചു. നാട്ടുകാരും പോലീസും ചേർന്ന് ഇവരെ താലൂക്ക് ആശുപത്രിയിൽ എത്തിച്ചു നടപടികൾ സ്വീകരിച്ചു. മൃതദേഹങ്ങൾ മെഡിക്കൽ കോളെജിലെക്ക് മാറ്റി.