ഉള്ളിയേരി ഫെസ്റ്റ് വിജയിപ്പിക്കും; വ്യാപാരി വ്യവസായി ഏകോപന സമിതി
ജില്ലാ വനിതാ വിങ്ങ് വർക്കിങ്ങ് പ്രസിഡൻ്റ് സൗമിനി മോഹൻദാസ് ഉദ്ഘാടനം ചെയ്തു

ഉള്ളിയേരി: ജനുവരി 13 മുതൽ 16 വരെ നടക്കുന്ന ഉള്ളിയേരി ഫെസ്റ്റ് വിജയിപ്പിക്കുമെന്ന് കേരള വ്യാപാരി വ്യവസായി ഏകോപന സമിതി ഉള്ളിയേരി യൂണിറ്റ് വനിത വിങ്ങ് ജനറൽ ബോഡി യോഗം തീരുമാനിച്ചു. വ്യാപാര ഭവനിൽ ചേർന്ന യോഗം ജില്ലാ വനിതാ വിങ്ങ് വർക്കിങ്ങ് പ്രസിഡൻ്റ് സൗമിനി മോഹൻദാസ് ഉദ്ഘാടനം ചെയ്തു.
അനിഷ ഫവാസ് അദ്ധ്യക്ഷത വഹിച്ചു. യോഗത്തിൽ ഏകോപന സമിതി യൂണിറ്റ് പ്രസിഡൻ്റ് കെ.എം. ബാബു ജില്ലാ പ്രവർത്തക സമിതി അംഗങ്ങളായ വി.കെ. കാദർ, രമണിക കൂട്ടാലിട, കാദർ മാതപ്പള്ളി ജംഷീദ് ഉണ്ണി എന്നിവർ സംസാരിച്ചു.
വി.എസ്. സുമേഷ് സ്വാഗതവും, റീന നന്ദിയും പറഞ്ഞു. ഭാരവാഹികളായി അനിഷ ഫവാസ് (പ്രസിഡൻ്റ്), സുധ വത്സൻ, നിമിഷ (വൈസ് പ്രസിഡൻ്റുമാർ), റീന (ജന. സെക്രട്ടറി), ഷൈനി ദിനേശൻ, വിജിത, (ജോ. സെക്രട്ടറിമാർ), റഷീദ (ട്രഷറർ) എന്നിവരെ തെരഞ്ഞെടുത്തു.