സ്വർണവില; പവന് 91,000 കടന്നു

   കൊച്ചി :സംസ്ഥാനത്ത് കുതിപ്പ് തുടർന്ന് സ്വർണവില. പവന് 91,000 കടന്നു. ഇന്ന് പവന് 160 രൂപയുടെ വർധനവാണ് ഉണ്ടായത്. ഇതോടെ ഒരു പവൻ സ്വർണത്തിന്റെ വില 91,040 രൂപയായി. അതേസമയം ഗ്രാമിന് 20 രൂപ വർധിച്ച് 11,380 രൂപയുമായി.

  റെക്കോര്‍ഡുകള്‍ തകർത്ത് ഇന്നലെയാണ് സ്വര്‍ണവില ആദ്യമായി 90,000 കടന്നത്. 90,320 രൂപയായിരുന്നു ഇന്നലെത്തെ സ്വർണവില. 840 രൂപയുടെ വർധനവാണ് ഇന്നലെയുണ്ടായത്. ഗ്രാമിന് 105 രൂപ വർധിച്ച് 11,290 രൂപയിലെത്തിയിരുന്നു.

 സെപ്റ്റംബര്‍ 9 നാണ് സ്വര്‍ണവില ആദ്യമായി 80,000 പിന്നിട്ടത്. തുടര്‍ന്നുള്ള ഓരോ ദിവസവും റെക്കോര്‍ഡുകള്‍ ഭേദിച്ച് സ്വര്‍ണവില കുതിക്കുന്ന കാഴ്ചയാണ് ദൃശ്യമായത്. ഒരു മാസത്തിനിടെ പവന് 10000 രൂപയിലധികമാണ് വര്‍ധിച്ചത്.