ക്രൂഡ് ഓയിൽ വില വീണ്ടും കുറഞ്ഞു.

ന്യൂഡൽഹി:  ഖത്തറില്‍ അമേരിക്കയും ഇറാനും തമ്മിലുള്ള പരോക്ഷ ചര്‍ച്ചകളില്‍ നല്ല പുരോഗതി ഉണ്ടായെന്ന വാര്‍ത്തകള്‍ക്ക് പിന്നാലെ അന്താരാഷ്ട്ര വിപണിയില്‍ ക്രൂഡ് ഓയില്‍ വില കുറഞ്ഞു. ബ്രെന്റ് ക്രൂഡ് ഓയില്‍ ബാരലിന് ഏകദേശം 1% കുറഞ്ഞ് 70.84 ഡോളറിലെത്തി, ഡബ്ല്യുടിഐ ക്രൂഡ് ഓയില്‍ 1.2% കുറഞ്ഞ് 67.75 ഡോളറായി 

       ലോകത്ത് ഏറ്റവും കൂടുതല്‍ ഉപയോഗിക്കുന്ന അസംസ്‌കൃത എണ്ണയുടെ മാനദണ്ഡമാണ് ബ്രെന്റ് ക്രൂഡ്. അന്താരാഷ്ട്ര വിപണിയില്‍ എണ്ണവില നിര്‍ണ്ണയിക്കുന്നതിനുള്ള ഒരു മാനദണ്ഡമായി ഇത് ഉപയോഗിക്കുന്നു. ലോകത്തിലെ എണ്ണ വ്യാപാരത്തിന്റെ ഏകദേശം മൂന്നില്‍ രണ്ട് ഭാഗവും (70%) ബ്രെന്റ് ക്രൂഡ് ഉപയോഗിച്ചാണ് വില നിശ്ചയിക്കുന്നത്.