ഏറ്റവും കൂടുതൽ ഉപഭോക്തൃ പരാതികൾ ഫ്ലിപ്കാർട്ടിനെതിരെ
ഏറ്റവും കൂടുതൽ ഉപഭോക്ത പരാതികൾ നേരിടുന്ന പത്ത് ഓൺലൈൻ ഷോപ്പിംഗ് ഫ്ലാറ്റ്ഫോമുകളുടെ പട്ടിക കേന്ദ്രസർക്കാർ പുറത്തിറക്കി
NDR news
19 Aug 2026 03:23 PMന്യൂഡൽഹി: ഇന്ത്യയില് ഏറ്റവും കൂടുതല് ഉപഭോക്തൃ പരാതികള് നേരിടുന്ന 10 ഓണ്ലൈന് ഷോപ്പിങ് പ്ലാറ്റ്ഫോമുകളുടെ പട്ടിക കേന്ദ്ര സര്ക്കാര് പുറത്തുവിട്ടു. 2025ല് നാഷണല് കണ്സ്യൂമര് ഹെല്പ്ലൈനില് ഏറ്റവും കൂടുതല് പരാതികള് ലഭിച്ചത് ഫ്ളിപ്കാര്ട്ട്, ആമസോണ്, മീഷോ എന്നീ പ്ലാറ്റ്ഫോമുകള്ക്കെതിരെയാണ്. 1.33 ലക്ഷം പരാതികളാണ് ഫ്ളിപ്കാര്ട്ടിനെതിരെ ലഭിച്ചത്. ആമസോണ് (91,248), മീഷോ (29,284) എന്നിവയാണ് തൊട്ടുപിന്നിലുള്ളത്. മിന്ത്ര, നെറ്റ്മെഡ്സ്, സെപ്റ്റോ, ബ്ലിങ്കിറ്റ്, നാപ്തോള്, വിഎല്ഇ ബസാര്, നൈക്ക എന്നിവയാണ് പട്ടികയിലെ മറ്റ് കമ്പനികള്.
ഓണ്ലൈന് പ്ലാറ്റ്ഫോമുകള് വഴി സാധനങ്ങള് ഓര്ഡര് ചെയ്ത ശേഷം അത് ലഭിക്കാത്തതാണ് ഉപഭോക്താക്കള് നേരിടുന്ന പ്രധാന പ്രശ്നം. ഉപഭോക്താക്കള്ക്ക് തങ്ങളുടെ പരാതികള് 1915 എന്ന ടോള്-ഫ്രീ നമ്പറില് വിളിച്ച് അറിയിക്കാം. മലയാളം ഉള്പ്പെടെ 17 ഭാഷകളില് സേവനം ലഭ്യമാണ്. വാട്സ്ആപ്പ് (8800001915), ഇമെയില്, നാഷണല് കണ്സ്യൂമര് ഹെല്പ് ലൈൻ ആപ്പ്, ഉമാംഗ് ആപ്പ് എന്നിവ വഴിയും പരാതികള് നല്കാവുന്നതാണ്
