ഇന്ത്യയിൽ ഐഫോൺ ഓൺലൈൻ വില്പനയ്ക്ക് നിയന്ത്രണം

മുംബൈ:ഇന്ത്യയിൽ ഓൺലൈൻ ഐഫോൺ വിൽപ്പനയ്ക്ക് നിയന്ത്രണം. ഒരാൾക്ക് ഒരേ മോഡലിലുള്ള രണ്ട് ഐഫോണുകളോ വ്യത്യസ്ത മോഡലുകളിലുള്ള രണ്ട് ഐഫോണുകളോ ആപ്പിളിന്റെ ഓൺലൈൻ സ്റ്റോർ വഴി വാങ്ങാൻ അനുവദിക്കും.

.      വാങ്ങലിന് നിയന്ത്രണം ഏർപ്പെടുത്തിയതിന്റെ കാരണം ആപ്പിൾ ഔദ്യോഗികമായി വിശദീകരിച്ചിട്ടില്ല. എന്നാൽ പുനർവിൽപ്പനയ്ക്കായി വ്യാപാരികൾ വൻതോതിൽ ഫോണുകൾ വാങ്ങുന്നത് തടയാനും പുതിയ ഫോണുകൾ പുറത്തിറങ്ങുന്ന സമയത്ത് വ്യക്തിഗത ഉപഭോക്താക്കൾക്ക് കൂടുതൽ ഫോണുകൾ ലഭ്യമാക്കാനും ഇത്തരം നിയന്ത്രണങ്ങൾ സഹായിച്ചേക്കാം.

.        ഇതിന് മുമ്പും കമ്പനി സമാനമായ നിയന്ത്രണങ്ങൾ ഏർപ്പെടുത്തിയിട്ടുണ്ട്. 2007-ൽ ആദ്യ ഐഫോൺ പുറത്തിറക്കിയപ്പോൾ, പുനർവിൽപ്പന നിരുത്സാഹപ്പെടുത്തുന്നതിനായി ഒരാൾക്ക് പരമാവധി രണ്ട് ഫോണുകൾ മാത്രമാണ് ആപ്പിൾ അനുവദിച്ചത്.