കേരളത്തിലേക്കുള്ള ആദ്യ ഇറക്കുമതി കണ്ടെയ്നർ കപ്പൽ വിഴിഞ്ഞത്തെത്തി.

തിരുവനന്തപുരം: കേരളത്തിലെ മാർക്കറ്റിലേക്കുള്ള ചരക്കുകളുമായി കണ്ടെയ്നർ കപ്പൽ വിഴിഞ്ഞെത്തി . ചൈനയിലെ നിങ്‌ബോയിൽനിന്ന് ബുക്ക് ചെയ്ത കണ്ടെയ്‌നറുകകളുമായി എം.എസ്.സി. സബ്രീന-3 എന്ന കപ്പലാണെത്തിയത്. തിരുവനന്തപുരത്തെ ഓൾടെയർ ഗ്രൂപ്പിനായി ബി.എസ്.ജി. ലോജിസ്റ്റിക്‌സ് ആൻഡ് ഷിപ്പ് ചാൻഡ്‌ലേഴ്‌സ് പ്രൈവറ്റ് ലിമിറ്റഡാണ് കണ്ടെയ്‌നർ എത്തിച്ചെത് . പ്ലൈവുഡിന് പകരം ഉപയോഗിക്കുന്ന ബിൽഡിങ് ബോർഡുകളാണ് കണ്ടെയ്‌നറിലുള്ളത്. ആദ്യ ഇറക്കുമതി കണ്ടെയ്‌നറിന്റെ ഫ്ളാഗ് ഓഫ് ശനിയാഴ്ച വിഴിഞ്ഞം ഇന്റർനാഷണൽ സീപോർട്ട് ലിമിറ്റഡ് മാനേജിങ്‌ ഡയറക്ടർ ജെറോമിക് ജോർജ് നിർവഹിച്ചു.

.    ഇറക്കുമതി സൗകര്യം ആരംഭിക്കുന്നതോടെ ചരക്കുകൾ വിഴിഞ്ഞത്തേക്ക് നേരിട്ട് ഇറക്കി കസ്റ്റംസ് നടപടികൾ പൂർത്തിയാക്കി കേരളത്തിലെ വിപണികളിലെ ത്തിക്കാനാകും. ഇതുവഴി മറ്റ് തുറമുഖങ്ങളെ ആശ്രയിക്കേണ്ടിവരുന്ന സാഹചര്യവും ഒഴിവാകും .ചരക്ക് കൈകാര്യം ചെയ്യൽ, ലോജിസ്റ്റിക്‌സ് തുടങ്ങിയ മേഖലകളിലെ തൊഴിലസരവും വരുമാനവും സംസ്ഥാനത്ത് നിലനിർത്താനും സാധിക്കും.