ക്യു എഫ് എഫ് കെ പുരസ്‌ക്കാര ചടങ്ങ് പ്രൗഢ ഗംഭീരം 

  കൊയിലാണ്ടി:കൊയിലാണ്ടി ഫിലിം ഫാക്ട്ടെറി കോഴിക്കോടിന്റെ മൂന്നാമത് ഇന്റർനാഷണൽ ഫിലിം ഫെസ്റ്റിവൽ പുരസ്‌ക്കാര ചടങ്ങ് ചലച്ചിത്ര മേഖലയിലെ പ്രതിഭാധനരെ അണിനിരത്തി പ്രൌഡ്ഢഗംഭീരമായി നടന്നു. 

  കൊയിലാണ്ടി ടൌൺ ഹാളിൽ വെച്ച് നടന്ന ചടങ്ങ് ഫെസ്റ്റിവൽ ചെയർമാൻ പ്രശാന്ത് ചില്ലയുടെ അധ്യക്ഷതയിൽ സംവിധായകൻ ജിയോ ബേബി ഉത്ഘാടനം നിർവഹിച്ചു. 

 ചലച്ചിത്ര നടൻ സൗബിൻ ഷാഹിർ മുഖ്യാതിഥിയായിരുന്നു. ക്യു എഫ് എഫ് കെ സംഗീതശ്രീ പുരസ്ക്കാരം പത്മശ്രീ കൈതപ്രം ദാമോദരൻ നമ്പൂതിരി, ചലച്ചിത്ര സമഗ്ര സംഭാവന പുരസ്ക്കാരം സംവിധായകൻ കമൽ, ലൈഫ് ടൈം അച്ചീവ്മെന്റ് അവാർഡ് നടൻ സുധീഷ്, നവാഗത സംവിധായകൻ അവാർഡ് പൊന്മാൻ ചിത്രത്തിന്റെ സംവിധായകൻ ജ്യോതിഷ് ശങ്കർ എന്നിവർ സൗബിൻ ഷാഹിർ, ജിയോ ബേബി എന്നിവരിൽ നിന്നും സ്വീകരിച്ചു. 

  ചടങ്ങിൽ ദൃശ്യമാധ്യമ, ഷോർട് ഫിലിം ഫെസ്റ്റിവൽ അവാർഡുകൾ സമർപ്പിച്ചു. കൊയിലാണ്ടി നഗരസഭ ഉപാധ്യക്ഷൻ അഡ്വ: കെ സത്യൻ, ഫെസ്റ്റിവൽ ജൂറിയായ ഛായാഗ്രാഹകൻ വിപിൻ മോഹൻ, ഗാനരചയിതാവ് സന്തോഷ്‌ വർമ്മ, നിധീഷ് നടേരി, ശിവദാസ് പൊയിൽക്കാവ്, പ്രശാന്ത് പ്രണവം തുടങ്ങിയവർ ആശംസകൾ നേർന്നു സംസാരിച്ചു. 

  ക്യു എഫ് എഫ് കെ പ്രസിഡന്റ് ജനു നന്തി ബസാർ, ഖജാൻജി ആഷ്‌ലി സുരേഷ് മുഖ്യാതിഥി സൗബിൻ ഷാഹിറിന് ക്യു എഫ് എഫ് കെ യുടെ ഉപഹാരം നൽകി. ജനറൽ സെക്രട്ടറി സാബു കീഴരിയൂർ സ്വാഗതവും, ഫെസ്റ്റിവൽ ജനറൽ കൺവീനർ ഹരി ക്ലാപ്സ് നന്ദിയും പറഞ്ഞു.