അതിക്രമിച്ചു കയറി നാശനഷ്ടമുണ്ടാക്കി വിദേശത്തേക്ക് കടന്ന പ്രതി പിടിയിൽ

 കോഴിക്കോട്: കാർ ആക്സസറീസ് സ്ഥാപനത്തിൽ അതിക്രമിച്ചു കയറി നാശനഷ്ടമുണ്ടാക്കി വിദേശത്തേക്ക് കടന്ന പ്രതി അറസ്റ്റില്‍. അത്തോളി സ്വദേശി കേലോത്ത് വീട്ടിൽ അഷർ അലി (54)യാണ് നടക്കാവ് പോലീസ് അറസ്റ്റ് ചെയ്തത്.

   നടക്കാവ് പോലീസ് സ്റ്റേഷൻ പരിധിയിലെ വെസ്റ്റ് ഹിൽ ചുങ്കം സബീന കോംപ്ലക്സിൽ മൊടക്കല്ലൂർ സ്വദേശിയായ അബ്ദുൾ നാസറിന്റെ ഉടമസ്ഥതയിലുള്ള സ്കിൽഡ് വേൾഡ് എന്ന കാർ ആക്സസറീസ് സ്ഥാപനത്തിൽ പ്രതിയും സുഹൃത്തുക്കളും അതിക്രമിച്ചുകയറി സ്ഥാപനത്തിന് സുമാർ രണ്ട് ലക്ഷം രൂപയുടെ നാശനഷ്ടങ്ങൾ ഉണ്ടാക്കുക യായിരുന്നു. ‍

    തുടർന്ന് അബ്ദുൾ നാസറിന്റെ പരാതിയിൽ കേസ് രജിസ്റ്റർ ചെയ്തിട്ടുണ്ടെന്ന് അറിഞ്ഞ പ്രതി വിദേശത്തേയ്ക്ക് കടക്കുക യായിരുന്നു. വിദേശത്തുള്ള പ്രതിക്കെതിരെ നടക്കാവ് പോലീസ് ലുക്കൌട്ട് നോട്ടീസ് പുറപ്പെടുവിപ്പിച്ചത് പ്രകാരം കരിപ്പൂർ എയർപോർട്ടിൽ വന്നിറങ്ങിയ പ്രതിയെ എമിഗ്രേഷൻ വിഭാഗം തടഞ്ഞു വെയ്ക്കുകയും, നടക്കാവ് പോലീസ് സ്റ്റേഷൻ ഇൽസ്പെക്ടർ പ്രജീഷിന്റെ നിർദേശപ്രകാരം ASI ഉണ്ണികൃഷ്ണൻ, CPO മാരായ ദീബേഷ്, സാജിക്ക് എന്നിവർ ചേർന്ന് പ്രതിയെ കസ്റ്റഡിയിൽ എടുക്കുകയും കോടതിയിൽ ഹാജരാക്കുകയും ചെയ്തു.